TV: Biografies

Virgilio Soraperra de la Zoch - Le respet por l'ert

Mertesc, 21.09.2021 da les 20:50-21:03

Virgilio Soraperra de la Zoch é nasciü a Delba tl 1937 y al é mort tl 2015. Al é conesciü dantadöt por sües pitöres sön i mürs dles ciases de Fascia y de atres valades y por avëi ziplé les mascheres da carlascé.
Al n'á nia albü na vita saurida, al é nasciü te na familia dër püra y al n'á nia albü le möt da fá la scora d'ert, mo al é impo sté bun da arjunje sü obietifs y al é deventé un di artisc importanc dla valada. Süa bercstot a Gries de Cianacëi é ciamó plëna de sües operes artistiches: chedri, mascheres, scoltöres y altá.
N program de Erika Castlunger, camera y tai de Fulvio Pinter de Martin.

Amalia Anderlan Obletter, conesciüda da düc sciöche Malia da Cudan é nasciüda tl 1912 a Urtijëi, söl lüch da Cudan. Ala s'á de jö döta la vita cun le lingaz y la cultura, ala á insigné ladin a nia ladins y tla scora mesana da Urtijëi.
Ala á metü adöm na gramatica dl ladin te Gherdëina, gnüda fora tl 1991 cun le titul "La rujeneda dla oma" y ala á scrit deplü libri, sciöche por ejëmpl "Tone y la condla dal lat", "La vedla massaria" y "L bosch y l lëur cun le leniam".
Döt ci che ala á fat, âla fat cun scerieté y pasciun y ala é insciö stada bona da dé inant l'amur por le lingaz y la cultura a tröc.
N program de Erika Castlunger, camera y tai de Fulvio de Martin Pinter, a cura de Anna Mazzel